Sorkar hotute hnen a\anga Zonet thudawn danin Aizawl district Quarantine-na hmun Berawtlang-a Tourist Lodge Center-ah nimin khan mi 35 dah luh an ni a, heng zinga 10 chu an mahni inlama inkhung hrang turin vawiin lam khan chhuahtir an ni a, 25 dang chu khung hran an la ni a, Luangmuala Youth Hostel Association Of India hmunah mi 44 dah an ni bawk a, heng zinga 9 chu vawiin vek khan an mahni in lama inkhung hrang tura chhuahtir an bawk a, a dang 35 te chu awm tir an la ni thung a ni. Sorkarin khung hran turte sem felna hmun tura a duan, R. Deng\huama Hall ah tukin khan Gauhati a\anga rawn haw mi 3 an in reoprt a, heng mite hi an mahni in lama inkhung hrang tura haw tir an ni a, Lengpui PHC ah mi 8 kung hran an ni mek bawk.
Kolasib-ah chuan nimin khan mi 32 sorkar ruahmanna hmunah khung hran an ni a, an zinga 1 chu entlak hun chhung a zawh tawh avang leh a dinhmun a that avangin chhuah tir a ni a, vawiin lam khan Vairengte gate paltlang-a rawn lut mi 25 te chu khunghran leh an ni bawk.
Sorkar chuan Mizorama lo haw thar zawng zawngte sorkar buatsaih inkhung hranna, quarantine facility-ah lut hmasa vek tawh turin nimin khan thupek a siam a, lo haw tharte hian anmahni chenna inah inkhung hranna tur an nei em tih an awmna veng leh khaw tina task force te chuan an enfiah hnuah chauh, inkhung hranna neite pawh chhuahtir an ni a, chutiang hmun remchang nei lo te chu sorkar buatsaih quarantine facility ah ni 14 chhung an awm zel tawh dawn a ni.
