Special Court (Prevention of Corruption Act) Judge, Pu Vanlalenmawia’n vawiin khan a Pisa a luah tan.

0
15
views

A Pisa luah puala inkhawm tawi neih-ah Special Judge, Pu Vanlalenmawia chuan, Pathian leh ram rawng a bawlna turah Mizoram mipuite tawiawm vek turin a sawm a. Eiruk thubuai chhui kawngah thil dik lo titute hrem turin finfiahna tha tawk a awm a ngaih thin avangin thubuai chhuitu Police leh Sorkar ukil-te pawh an hna tha taka hlen tum turin a chah a ni. Vawiina Pu Vanlalenmawia’n a Pisa a luahna inkhawmah hian Lokayukta Chairperson Pu C Lalsawta leh Secretary te, ACB SP, Judicial Officer leh BAR hruaitute an tel a ni.

Guwahati High Court chuan June ni 17 khan Mizorama Session Judge thenkhat hna chanpual a siksawi a. Mizoram State Legal Services-a Member Secretary, Pu Vanlalenmawia chu Special Court (Prevention of Corruption Act) Judge hna chelh tura dah a ni.