Vawiin Assembly Budget Session zawhna leh chhanna huna MNF member, Dr. Vanlal\anpuia zawhna kal zela Congress Group Leader, Pu Zodintluanga’n kumin March ni 20-a Assembly Session neih \uma a zawhna ziaka channa a dawnah Sorkar hmasa-in Work Order a pek tawh sut a awm loh thu tarlan a nih laiin, tun hnaia RTI Act hmanga zawhna Sports Department-in a chhannaah Sorkar hmasa-in Work Order a pek sa 10 sut a nih thu tarlan a ni thung tih a sawi a. Hei bakah hian Zobawk-a Sports Stadium sak mek hungna chu Sorkar hmasa-in Tender a chhuah hmanga Work Order a lo pek tawh sut lehna awm si lova Contract hmutu ni lovin a thawh mek chungchang sawifiah turin sports minister a ngen a, Sports Minister chuan, Session hmasa-a Pu Zodintluanga’n a zawhna Sports Department-in a chhanna nia a sawi chu a hriatsual a nih a rin thu sawiin, a zawhnaah hian Party Worker hna pek an awm leh awm loh a zawt a, hei hi Department-in a chhannaah Party Worker hna pek an awm loh thu tarlan a ni, a ti a. Tunah hian he Stadium hung tura Contract pek BM Infrastructure-in hna an thawk mek a, hna pawh thui tak thawh a ni tawh a, a phenah an rawih chhawn an awm leh awm loh chu hriat a nih loh thu leh bill pek chungchangah pawh harsatna a awm a rin loh thu a sawi.
Sports Minister chuan, Sorkar hmasa-in Contract a pek zingah hmuh zawh loh an awm nual tih sawiin, Lalrinsanga tih chu an zawn ngial hnuah pawh an hmuchhuak thei lo tih a sawi a. Amah hi hna pakhat mai ni lo hna eng emaw zat pek a ni nghe nghe a, an sorkar hnuah Party lam ngaihtuah lovin a diltu zinga mi an pe mai a, Contract an pekte chu zawn hmuh theih ngei an nih hlawm thu leh, heng mite hian hna pawh an thawh zawh tawh thu a sawi.
Sports Minister, Pu Robert Romawia Royte-in sorkar hmasa hunlaia Contract hnapek hmuhzawh loh an awm thu a sawi chu thudik lo nia sawiin, Sports Minister hlui, Pu Zodintluanga chuan, House-a thudik tawk lo sawi chu House zah lohna ni hiala a hriat thu a sawi a. Sports Minister-in an hmuh zawh loh nia a sawi Lalrinsanga chu Chawlhhmun VCP pawh lo ni tawh \hin a ni tih sawiin, midang dangte pawh an Address hriat vek an ni, a ti thung a. Sorkar hmasa-in Work Order a lo pek tawhte pawh sut leh a nihna lehkha pek vek an ni tih a sawi a. Hei hi chhangin Pu Robert Romawia Royte chuan, a chhanna chu Department a\anga thu a dawn anga sawi a ni tih sawiin, a phenah thil ngaihnawm tak tak awm mah se, sawi vek loh a \ha zawk a ni a ti.
