SSU General Assembly vawi 32-na Home Minister-in hmanpui

0
370
views

Students’ Self-Support Union (SSU) General Assembly vawi 32-na, vawiina Aizawl Chanmari YMA Hall-a chhunzawm chu Home Minister, Pu R. Lalzirliana’n a hmanpui a. |halai zingah chhungte thawh chhuah sa ringa awm awl leh nawmsak ringawt tum an awm \hin laia, zirlai mahni intodelh eng emaw zat an awm chu chhuanawm a tih thu a sawi a. Thawhrimna tel lo hausakna chu a tlo loh bakah a hlauhawm tih sawiin, Pu R. Lalzirliana chuan, hnathawh hi a zahthlak lova, a zahpuiawm hek lo tih a sawi. Chawhma lam hi an pawl Financial Secretary, Lalnunhlima’n a kaihruai a, zirlai mahni intodelh thlan chhuah 3 – Lalthankima, Govt. Aizawl North College, Jeny Lalnunfeli, Govt. Aizawl North College leh Francis H. Lallungmuana, Hrangbana College hnenah Self-Support Award, 2017 hlan a ni. SSU General Assembly hi Inrinni khan \an a ni a, hemi ni hian Aizawl Tennis Court chhaka NLUP Conference Hall-ah nilengin ro an rel a ni.