Science Teachers Association, Mizoram-in General Conference vawi 32-na vawiina Synod Conference Centre-a an hman chu Planning Secretary, Dr. C. Vanlalramsanga’n a hmanpui a. Chawhma lamah kum 2016 chhunga an pawl hnathawhte ngaihthlak a nih bakah MSJ Award, 2016 sem a ni.
Chawhnu lamah Pachhunga University College-a zirtirtu, Dr. Laldinpuia’n Polythene hman leh a nghawngte tih thupui a sawi chu an zirho bakah an pawl thiltih tur hmachhawp hrang hrang an thlir hova, NIT Mizorama Mizoramin quota a neih chu Mizo zirlai a tam thei ang berin an hnawh khah theih nan zau zawka inzirtir ni se, Technical line hrang hrang zir theihte zirlaiten chiang zawka an hriat chian theih nan \an lak ni se, Middle school-a Science leh Mathematics zirtirtute, a tam thei ang ber an intuaithar theih dan tur ngaihtuah ni se, School \an hun chungchang an zir chianna chu chak zawka bawhzui ni se, HSLC leh HSSLC-a Science leh Mathematics-a Mark hmu sang hnena Topper Award pek \hin chu chhunzawm ni se tih te an pass a ni.
