State Information Commissioner thar atan IPS Officer chawl tawh, Pu Zorammawia chu vawiin khan Raj Bhavan Durbar Hall-ah Larsap, Lt. General Nirbhay Sharma-a’n rinawmna thu tiam turin a lalut.
State Information Commissioner thar atana lakluh tak, Pu Zorammawia hian kum 1982 khan Mizoram Police Service-a zawm a, kum 1995-ah IPS ah kaisangin, kumin February thla tawp khan a Pension a. Police officer a nih lai hian hnathawk \ha chawimawina President’s Police Medal for Distinguished Service chu kum 2005 khan a dawng a, kum 1998 ah Police Medal for Meritorious Service a dawng bawk. State Information Commissioner atana ruat a nih thu hi tun thla ni 3 khan Larsap, Lt. Gen. Nirbhay Sharma-in a tichhuak a, vawiina amah lakluhna inkhawmah hian Finance Minister, Pu Lalsawta, Education Minister, Pu H.Rohluna, Supply Minister, Pu John Rotluangliana, Govt. Deputy Chief Whip, Pu RL Pianmawia, State Planning Board Vice Chairman, Pu H.Liansailova, Chief Information Commissioner, Pu Lalduhthlana Ralte leh Sorkar mi pawimawh dangte an tel a ni.
