State pawn atanga lo hawte phurtu MST Bus Conductor pakhat-in Covid 19 hri a kai chungchangah mithenkhatin Social Media-a amah leh a chhungte tana hriat nuam lo thu an thehdarh chu an dem tih Mizoram Transport Worker Association-in an sawi.

Covid 19 hri leng vanga Mizoram pawna awm lo hawte phur turin MST Bus hman a ni a, Sorkar ruahman ang zelin Mizoram hmun hrang hrangah phurh an ni an ti a. Hetianga rim taka an thawh laia an thawhpui pakhatin hri an kai chu pawi an tih thu an sawi. Mizoram Transport Worker Association hian, hri kai mai bakah MST Bus Driver leh Conductor-te chenna veng thenkhatin thuchiang hre lova, an nun ti hrehawm thei zawnga thu leh hla an nei chu na an tih thu leh an dem thu an sawi a, an thawhpui hri kai enkawl mek chu a dam leh thuai an duhsak tih an sawi.