Food, Civil Supplies & Consumer Affairs Minister, Pu John Rotluangliana chuan Mizoram chhunga hmun kilkhawr deuha Supply Kudam zawng zawngah September thla thleng tla tur buhfai chhekkhawl niin a sawi. ZONET zawhna chhangin Food, Civil Supplies & Consumer Affairs Minister chuan tunhnaia ruahsur nasa kawng chhia avanga harsatna hmun hrang hranga thleng mek chuan tun dinhmunah mipuite buhfai mamawh pekna lamah harsatna a thlen rih lo niin a sawi a ni. Hetihlai hian Food, Civil Supplies & Consumer Affairs Deptt. Director, Pu Abijit Vijay Chaudhury pawhin ZONET zawhna chhangin tun dinhmunah buhfai harsat thu report khawi hmun atang mahin dawn a awm lo niin a sawi a, fur laiin Mizorama kawng te chu tha vak lo mah se, mamawhna hmunah buhfai phurh thlen theih zel a la ni tih a sawi bawk.
