Supply Minister Pu. K. Lalrinliana’n tun dinhmunah thla 3 daih buhfai chhekkhawl sa Mizoramin a nei tih ZONET a hrilh.

0
141
views

Boruak danglamin a nan loh chuan buhfaiah thlaphanna tur a awm lo tih Supply minister hian a sawi a, June thla quota pangngai sem chhuak turin hma an la mek tih a sawi a, inkharkhip vanga AAY BPL card nei leh PHH Card hring neite hnena Prime Minister remruatnaa a thlawna buhfai sem tur pawh sem zawh tawh a ni a ti a, APL Card var nei te tana April, May leh June thla atana Addl Allocation an dil chu phal ni tawh mahse, a phurtu tur rel indaih loh avangin July leh August thlaa pek chhuah hman tura beisei a ni a ti a, aman pawh pek fel tawh a ni a ti.

Zawhna chhangin Supply Minister Pu K Lalrinliana hian, Prime Minister ruahmanna-a a thlawna buhfai sem chhuah chun chhunzawm tur a nih leh nih loh thudawn an la nei rih lo tih a sawi a, Mizoram sorkar pawhin sem tumna a nei rih lo tih a sawi.