Sustainable Mountain Development Summit vawi 6-na chu nimin tlai khan CM, Pu Lal Thanhawla’n Mizoram University-ah a hawng a. Khawvel thiamna \ang chho mek karah hmasawnna ngelnghet, hma lam hun atana him ngaihtuah thiam a \ul thu sawiin, hmasawn duh luatah \hang\harte hman tur awm lo leka leilung hauhsakna tihchereu chu thil pawi tak a ni thei tih a sawi. Khawmpui hawnna inkhawmah hian a thlengtu, Mizoram Sustainable Development Foundation President, Dr. Lalbiakmawia Ngente-in palaite lawmna thu a sawi a. Integrated Mountain Initiative President, Pu Alemtemshi Jamir, Lok Sabha Member, Pu PD Rai, MZU Acting Vice Chancellor, Prof. Lianzela leh IMI Councillor, Pu Ramesh Negi-ten thu an sawi bawk. He intawh khawmna hian ni 3 a awh ang a, state hrang hrang leh ram pawn a\angin palai 300 vel an tel a, tlangrama hmasawnna ngelnghet a awm theih nana hnathawh dan tur an sawi ho dawn a ni.
