Synod bultumin nimin khan Aizawl khawpui chhung hmun 3, Mission Veng, Dawrpui leh Bawngkawn Kohhran Hall-ah Kohhran Inpumkhatna atana hmalak dan tur zirho a ni

0
572
views

Synod bultumin nimin khan Aizawl khawpui chhung hmun 3, Mission Veng, Dawrpui leh Bawngkawn Kohhran Hall-ah Kohhran Inpumkhatna atana hmalak dan tur zirho a ni. Mission veng Kohhran Hall-a zirhonaah chuan Finance Officer, Rev. H. Remthanga’n Kohhran inpumkhatna neih theihna tura thil pawimawh a ziahte a chhiar chhuaka, sawihona neih zui a ni. He inkhawmah hian Synod Secretary (Senior), Upa R. Dengzikpuia pawh a tel a ni. Dawrpui Kohhran Hall-a Kohhran Inpumkhatna atana hmalak dan tur zirhonaah chuan Rev. Dr. H. Vanlalauva’n inpkumkhatna atana thil pawimawh a ziahte a chhiar chhuaka, he inkhawmah hian Synod Secretary (Junior), Rev. R. Vanlalnghaka leh Statistician, Rev. R. Lalnuntluangate an tel a ni. Bawngkawn Kohhran Hall-a zirhonaah Rev. Dr. H. Lalrinthanga’n paper a chhiar a, hetah hian Synod Executive Secretary, Rev. PC. Pachhunga, Rev. Dr. H. Lalrinthanga leh Rev. B. Sangthanga te an tel a ni. Mizorama Kohhrante inpumkhat nana leh thawh ho neih theih nana hma l^k a \ul thu hi Aizawl Bethel Presbytery leh Aizawl East Presbytery-in Synod-ah an thlen a. Synod chuan hei hi bawhzui \ha a tih vangin Synod Executive Committee chuan a bawhzui mek a ni. Hemi hmalam hian Officer’s Meeting chuan Kohhran inpumkhatna chungchang ziak turin Rev. Dr. H. Vanlalauva a ruat a, hemi siam rem tur hian Rev. H. Remthanga, Rev. Dr. H. Vanlalauva, Rev. Lalrinawma, Rev. C. Lalsangliana leh Rev. H. Lalrinthanga te ruat an ni a, an nin chik taka an thlirho hnuah heng thuziakte hi zirho a ni ta a ni.