Nilaini zing karah Synod Nursing College sak tur lung chu khan Synod Moderator, Rev. F. Lalrinnunga’n a phum a, Durtlanga Synod Hospital-a Nursing School chu Nursing College-a hlan kai turin nikum Synod Inkhawmpui khan a lo rel tawh a. A in hi sak \hat a \ul tawh avangin a sakna tur sum, NEC-ah dil a ni a, College building sakna tura pawm, cheng Nuai 833 a\angin NEC a\ang hian cheng nuai 750 vel hmuh beisei a ni. College building hi a dung feet 150, a vang feet 45-a zau, chhawng li (4)-a sak tur a ni a, zirlai 140 vel len theihna tur a ni. Nurse zirna hi Durtlangah hian kum 1928 khan \an a ni a, Mizorama Nurse zirna hmahruaitu a nih bakah Kristian Nurse \ha chher chhuahna hmun pawimawh tak a ni.
