Division SAY Council hmalaknain Aizawl City Area, Tachhip CO bial leh Aibawk CO bial-ten chhandamna sipai pawl dinchampha vawi 153-na pualin Aizawl Civil Hospital-a hman atan thisen an pe a. A petute chu mipa 60 leh hmeichhia 3 an ni a, Aizawl Civil Hospital Blood Bank-a thawktuten Aizawl Temple Corps-a Centenary Hall-ah thisen hi an lak sak a ni. Division SAY Council hian thisen pek runpui hi a tahtawlin a buatsaih chho zel dawn a, tun thla ni 14 hian Champhaiah, ni 2 hian Serchhip leh ni 28-ah Thingsulthliahahte pek a ni ang.
Dawrpui Vengthar West Branch KTP pawhin Central KTP Blood Donation Calender zulzuiin vawiin khan Synod Hosptal tan thisen unit 18 an pe a. A petute hi Hmeichhia 5 leh mipa 13 an ni.
Adventist Youth Federation pawhin vawiin khan Champhai leh Lungleiah-te thisenpek runpui an buatsaih a. Champhai Branch AYF chuan Champhai District Hospital blood bank-ah thisen unit 50 pein, a petute chu Mipa 37 leh mipa 13 an ni a. Lunglei Branch AYF chuan Lunglei Civil Hospital-ah thisen unit 13 pein, a petute chu mipa 11 leh hmeichhia 2 an ni.
