Taekwondo Federation of India in Examinar tura a ruat Mizo 5th Dan Black belt pahnih Master V.L.Sawma leh Master Joseph Thansanga ten exam hi an endik a, Taekwondo Exam ah hian ni 3 chhungin test chi hrang hrang paltlang a ngai a, taksa hriselna leh theihna san dan, Physical fitness te, mahni inven dan Self-defence, thiam bik thil Special Technique, brick sah bun Brick Breaking, Poomsae leh Sparring te bakah Taekwondo thiamna to bul an hman theih dan te endik a ni.
Aizawl hi kum 2008 atang khan North East exam centre pakhat atan TFI in a lo pawm tawh a, \um 9 exam hi buatsaih a ni tawh a ni. Tun \umah hian Black belt 1st degree Exam beitu 36 awmin, 2nd Degree beitu 4, 3rd Degree leh 4th Degree exam beitu mi 1 ve ve an awm a, Exam beitute zinga 10 chu hmeichhia an ni a, a naupang ber R.Lalrohlui, Ramhlun North chu kum 10 mi a ni. Black Belt exam kharna vawiina neih hi MATA President Dr.Rualkhuma Colney in hmanpuiin fuihna thu a sawi a ni.
