Tangrual Pawl, ZPM puipate chu vawiin khan Aizawl Treasury Square-a an pawl Pisa-ah an thukhawm

0
214
views

Khawtlang enkawl sikul, Lumpsum Grant-in-Aid Higher Secondary School-ten Sorkar a\anga sikul enkawlna sum an dawn theih loh avanga ni 21 zet sikul an khar leh zirlai 850-ten term exam pawh an hmachhawn thei lo chu pawi an tih thu an sawi a, sum awm loh chhuanlama zirlai heti zatte zirna a khailak laia sorkar-in vote zawnna atan NLUP-ah MLA bial tinah cheng nuai 400 a sem thei bawk si chu ZPM chuan \ha lo a ti takzet niin an sawi. Tun hnaia Union Minister, DV Sadananda Gowda-a’n Mizoram sorkar chu hmasawnna hnathawh kawnga chak lo hleah a rawn puang chu hnam anga mualpho thlak an tih thu leh, sorkar chu hmasawnna hnathawh ngaihna hre lovah ZPM chuan a ngai tih sawiin, thuneihna kawl tir chhunzawm tlak an ni tawh lo tih mipuiten hria se an duh thu an sawi. ZPM puipate chuan, |angrual Pawl hmasawn dan chu lungawi thlak an tih thu leh kuthnathawktuten an thlai thar Policy leh hmasawnna Policy an tuipui chu lawmawm an tih thu an sawi a, \halai lehkha thiamten ZPM-ah beiseina sang tak an nei thar zel niin an sawi bawk. ZPM puipate \hukhawm hi Steering Committee Chairman, Pu Lalliansawta’n a kaihruai a ni.