Tanhril Local Council leh tlawmngai pawl hrang hrangin kumin HLSC-a pakhatna lawmpuina an hlan

0
533
views

Tanhril Local Council leh tlawmngai pawl hrang hrangin kumin HLSC-a pakhatna an veng mi, Lalremsiama Darchhun leh an veng a\anga HSLC leh HSSLC pass tharte hnenah lawmpuina an hlan a. Hemi puala inkhawm an veng Community Hall-a neih hi Local Council Chairman, Pu R. Lallawmruala’n kaihruaiin, AMC Ward No.11-na Councillor, Pu H. Zonunsanga’n a hmanpui a. Tanhril khawtlang hruaitute chuan hun engemaw chen kalta a\anga an Veng High School-in Headmaster an neih tawh loh chungchang leh Mathematics leh Science Teacher pek belh tura an ngenna chu Sorkar hotuten a rang lamin tihlawhtling se an duh thu an sawi a ni. HSLC-a pakhatna Lalremsiama Darchhun hnenah hian Local Council leh tlawmngai pawl hrang hrangin Pawisa leh lawmpuina thuziak an hlan a, Zirlai Pass tharte hnenah chawimawina thuziak an hlan bawk. MBSE in kumina HSLC leh HSSLC Result a tihchhuah takah khan Tanhril a\angin zirlai pass thar mi 52 an awm a ni.