Tata Motors Car siam thar ALTROZ chu vawiin khan Mizorama TATA Motors Car Dealer, National Business Enterprise; Peter Street, Khatla-ah a duh apiang lei theih tura tlangzarh a ni a, TATA Motors leh National Business Enterprise \angkawp hian Mizo |halai infiammiten nasa zawka hma an sawn theih nan, tun thla ni 25 a\anga Mizoram Basketball Association leh ZONET \ang kawpin an buatsaih tur, Mizoram Super League (MSL) Season-6, 2020 chu an Sponsor tur thu an puang nghal.

Car thar ALTROZ hi Transport Dept Dy Director Pu Lalrinawma’n a tlangzarh a, TATA chu ramdang thawhpui nei lova India rama Car siam chhuaktu lian ber a nih thu a sawi. ALTROZ Car thar tlangzarhna inkhawm hi National Business Enterprise General Manager Pu Robert Lalhmingthanga’n a kaihruai a, Guwahati-a Territorial Sales Manager Abhijit Dhar chuan TATA Motors chuan, an Car siamah himna an ngai pawimawh tih a sawi a, ALTROZ car chu India rama Car him bera thlan a nih thu a sawi. Infocars lam hotu Pu Vanlalmuana, Muantea leh Tata motors lam aiawh Chitrajit Ganguli ten ALTROZ Car chanchin hi an sawifiah a, cheng nuai 5 sing 3 man a\anga in \anin cheng nuai 9 leh sing 3 thleng, petrol leh diesel engine-a siam a ni.