Texas-a inkahna-ah mi 7 thi

0
688
views

US, Texas state-a Dallas khawpuia chenna in pakhatah nizan khan inkahna a thleng a, mi 7 an thi a, silai hmet puaktu hi Police-ten an kap hlum nghal a ni. Police thupuangtu sawi danin, pawi khawihna thlen chhan hi hriat a ni lo a, silai hmet puaktu hian a mi thahte hi mimal takin a hmelhriat em tih pawh hriat a la ni lo a, thil thleng hi an chhui chiang mek a ni. Dallas-a chanchinbu pakhat chuan inkahna thlen hma khan he ina awmte hian TV-ah inkhel an en niin a sawi a, Police-te chuan pawi khawihtu leh a mitthite hming hi an la tichhuak lo a ni.