MTOA leh MTDA-in bungraw phur chi motor an dang

0
317
views

Mizoram Truck Owners Association leh Mizoram Truck Drivers Association-in Mizoram pum huapin tukin dar 5 a\ang khan ni 3 chhung awh turin bungraw phur chi motor an dang. Truck Owners Association hruaitute hnen a\anga thu dawn danin Pickup a\anga motor lian chi thleng, bungraw phur chi motor zawng zawng an dan chhan hi kawng chhe lutuk siam \hat thuai phutna leh siam \hatna hun pek nan a ni. Motor dangtute hi Rengtekawn, Kawnpui, Rangvamual leh World Bank kawngah te an duty a, Cachar District-a an zawmpui, Truck Drivers Association leh Truck Owners Association te ruahman angin Lailapur-ah pawh Mizorama lo lut tur truck an dang niin an sawi. ZONET zawhna chhangin Truck Owner Association hruaitute chuan bungraw phur motor dang tura duty-te chu hmun hrang hrangah insem darh mah se, dan ngai khawpa tlan luih tum bungraw phur motor an awm lo niin an sawi a, Mizorama Vehicle Association dang zawng zawng pawhin an thil tih chu an thlawp niin an sawi bawk. Bungraw phur motor an dan hian ei rawngbawlna gas phur chi truck leh bullet te, petrol, diesel leh khawnvartui phur chi, Tank Lorry te pawh a huam a ni. Lungawi lohna an lantir dan tur hi Zirtawpni kal ta khan an rel tawh a, he \hutkhawmna hi Truck Owners Association President, Pu Vanlalduata’n a kaihruai a ni. Truck Owners Association hruaitute chuan motor an dan hian bungraw phur chi motor chauh a huam avangin a huam ve loh mihring phur chi bus te, maxicab, car leh taxi te tan harsatna an siam lo niin an sawi.