Aizawl Bawrhsap Pu Vanlalngaihsaka , Aizawl District Magistrate nibawk chu he chhiatna thlen chhan chhui chiang tur hian ruat a ni a, mi 3 thihna thlen chhan leh mi 11 hliam chhan, in pathum chim chhan hi chhui chianga hapta hnih chhunga report thehlut tura tih a ni.
He chhiatna thlen tuk, kar kalta Nilaini khan Chief Secretary kaihhruaiin Inter-Departmental Committee chu an lo \hukhawm tawh a, an ruahmanna siam bawhzuiin BSUP Complex a cheng te hi hmun him zawk, Rangvamual leh Edenthar venga BSUP Complex-ah te sawn an ni.
UD&PA Department hotute hnen a\anga Zonet thudawn danin, Leitan BSUP Complex-a chengte hi vawiin chawhnu dar 3:30 vel khan an awmna tura Sorkar-in a ruat Rangvamual leh Edenthar BSUP Complex-ah sawn chhuah kim an ni a, tihian Leitan BSUP Complex chu mithiamten chen zui zelna atan a him leh him loh an enfiah hma chu khar chhunzawm a ni rih dawn a ni.
Durtlang Leitan BSUP Complex-a Building 5 te hi ko chhak lam lung tawlhin a nek avangin a chim a, Sorkar thupek angin helai hmun hi mihring chen zelna tlak a nih leh nih loh mithiamten an enfiah dawn avangin helai hmuna chengte hi Sorkar thupek angin hmun him lama sawnchhuah an ni a. Durtlang Leitan Branch YMA chuan BSUP-a cheng chhungkaw sawnchhuahte hi an bungrua hnatlangin an thiarchhuahpui a, an veivahna leh thil \ul dang chu Sorkar-in a tum sak thung a ni.
