Thenzawl Hermon Venga hmeichhe naupang pakhat, kum 7 mi rannung seh, Scrub Typhus vangin tun hnaiah a thi nia sawi chungchang enfiah

0
505
views

Thenzawl Hermon Venga hmeichhe naupang pakhat, kum 7 mi rannung seh, Scrub Typhus vangin tun hnaiah a thi nia sawi chungchang chu nimin khan Integrated Diseases Surveillance Programme-a State Nodal Officer, Dr. Pachuau Lalmalsawma leh State Entomologist Lalfakzuala Pautu ten a hmuna kalin thil awmdan an enfiah a, nizan khan Thenzawl Joint YMA Hall-ah khawtlang hruaitute koh khawmin rannung seh natna awmdan leh a thlen theih dan an hrilhfiah a, an team hruaitu Dr. Pachuau Lalmalsawma chuan Scrub Typhus tia hriat pu darhtu chu tuhrik, sazu leh rannung dang an ni thei tih sawiin, he natna hrik pu darh theitute hi mihring chenna in vela an awm loh nan in leh a vel te vawnfai a ngai niin a sawi a, khawsik reng reng ngaihthah lova a chhan zawn chhuah thuai nan doctor te pan a \ul thu te a sawi a ni.