Thenzawl khaw chhunga MGNREGS hnuaia inhlawhte hnathawhna hlawh an Bank Account-a lut thei lo vangin hnathawktute hi nimin khan an inhmukhawm a, an harsatna tawh mek sutkian dan tur an sawiho.

0
700
views

Thenzawl a\anga thudawn danin Thenzawlah hian hetiang harsatna tawk hi chhungkaw 150 a\anga 200 vel an awm a, an harsatna chu thuneituten chinfel sak se an duh thu sawiin, a \ul a nih chuan an harsatna tawh mekte Prime Minister Office-ah thlen a, hmalak sak tura ngen an rel a ni. He inhmuhkhawmnaah hian mi 60 vel an tel a, mi rethei leh harsa tak takte MGNREGS hnuaia an inhlawhna leh an chanvo dik tak, an thawh hlawh an Bank Account-a lut ve thei rih lo chu mak an tih thu sawiin, an harsatna chu a rang thei ang bera chinfel sak an nih theih nan thuneitute hriat tur Resolution an pass a ni. Thudawn danin, Thenzawla chhungkaw tam zawk chuan MGNREGS hnuaia inhlawhna pawisa hi tun thla tir leh June thla chawhma lam khan an dawng deuh vek tawh a ni.