Thenzawl leh Buarpui inkar kawnga Tlawng lui k^nna Thirlei, Bailey Bridge chu tun thla ni 22-a truck pahnih a ruala tlanin an zawh chim hnuah he kawnga motor lian kal leh theihna turin lei hman lailawk tur dawh nghal a ni.

He lei hman lailawk tur hi lui laiah hume pipe dah tlara, a chungah lei chhunga dawh a ni a, ruah a sur a, tui a len chuan he lei hi hman theih lohin a awm nghal dawn a ni. Hetihlai hian lei zawh chimtu Tantia Construction Company Truck driver lei zawh chimtua puh zawk, Anwar Hussain Lasker, kum 28 mi chu PWD FIR thehluh bawhzuiin Thenzawl Police ten an man tawh a, amah hi truck full load-in lei a zawh laia a hnung lama kala lei zawh vetu a nih avangin a zawh chimtuah ngaih a ni. Serchhip-Thenzawl-Buarpui kawng km 55-a thui hi Asian Development Bank sum hmangin ADB Project hnuaiah Tantia Construction Company-in an siam mek a, motorin Tlawng lui a kanna tur lei hman lailawk tur dawh thar leh tawh a nih avangin tun dinhmunah kawng siam hna hi a khaihlak tawh lo a ni.