Thenzawl Town Task Force Committee hian vawiin khan Bazar Venga Joint YMA Hall-ah Inkharkhip thawh 4-na kalpui chhunzawm dan tur an rel a, chhun lama hmun lun laia Task Force duty an siam chu tihtawp rih ni se, hetihrual hian zan lamah veng hrang hranga duty chhunzawm ni thung se an ti a. An khaw luhkha hmun thum-a duty na hmun an siam pawh Aizawl lam luhkaah chauh chhun leh zana duty tawh ni se, Aizawl lam atanga Thenzawl khaw luh dawna Tourist Lodge leh Farm Veng-a Vety Gate inkarah zanriaka lirthei hun loh ni se, an ti a. Mizoram Sorkar-in Inkharkhip thawh 4-na atana inkaihhruaina thar a siam-ah Covid-19 hri leng tur venna atana an khaw mila her rem tul te an siam tha bawk.
