Tlabung chhehvel ramri hrul khaw hrang hrang mipuite hnenah Bialtu MLA Pu Nihar Kanti Chakma-in vawiin khan a thlawnin buhfai a sem a, Lungleia YMA Bazar branch leh Central YMA hruaitu lo ni tawh intelkhawmten tlawmngaia ramri vengtute hnenah vawiin vek khan thilpek chi hrang hrang an hlan bawk.

0
120
views

Pu Nihar Kanti Chakma hian vawiin khan Khojoysury leh a chhehvel khua tlawhin, chhungkaw harsa zual nia hriatte hnenah an ei tur buhfai a sem a, tun tumah hian VLTF-in chhungkaw harsa zual nia an hriat, an thlanchhuahte hnenah buhfai bag 300 chuang a sem a, kar hmasa lam pawh khan buhfai hi a lo sem tawh a ni.

Lungleia Bazar branch YMA -te pawhin, an veng chhunga mi thilphalte thawh tlingkhawm atangin, tangkafai Rs 25,000 bakah, buhfai, nutrella, purun, bawnghnute leh thilpek dang thahnem tak chu vawiin khan Khawthlangtuipui group YMA hruaitute kutah, ramri-a riak mekte tan an hlan a, Tuiphai group YMA leh Thorang group YMA hnenah tanpuina an pe bawk.

Central YMA hruaitu lo ni tawh intelkhawmte pawhin, ramri-a riak zinga kum upa zualte hnenah Rs 11,600 an hlan a, Presbyterian Lunglei Chandmari Kohhranin Khawthlangtuipui group YMA hnenah ramri-a riakte tanpui nan tangkafai Rs 10,000 an pe bawk.