Mizoram Sorkar din Medical Operational team hian nizan khan Tlabunga Health Department-a thawk an kawm a, Covid-19 leng mek a darh zel loh nan mipuite hnenah thahnemngai taka zirtirna pe turin an chah a, hmai tuamna hmang uar tur leh fai taka kut sil ngaipawimawh tura mipui zirtir turin an chah a ni.
Vawiin khan Tlabung Bazar Bungkawna YMA Runah, Tlabunga Sorkar mi pawimawh leh khawtlang hruaitute chu mitthi sawngbawl dan tur an zirtir a, ruang, tuam phui a nih tawh chuan thlana kalpuituten kutkawr an buna, hmai an tuam chuan a hranpain PPE inbel kher a ngai tawh lo tih an sawi.
West Tuipui bialtu MLA Pu Nihar Kanti Chakma leh Tlabung SDO (C) Pu Lalsanglura bakah, Sorkar mi pawimawh dang leh khawtlang hruaitute pawh zirhonaah hian an tel a ni.
