Tlabung VC leh Tlawmngai Pawl hrang hrang chuan vawiina an khaw tlawhtu Lunglei District, Rural Development Agency Project Director, Pu K. Lalrohlua chu lo dawngsawngin Tlabung leh a chhehvel khua te tan Rural Development block thar siam \ul an tih thu an lo hrilh a ni.

Khawtlang hruaitute chuan Tlabung leh a chhehvela khaw 60 vel chu ramria awm, tlawhpawh harsa leh tihhmasawn ngai a ni tih sawiin, anmahni bialtu Lungsen Block a\anga enkawl a harsat avangin Tlabung Block siam a \ul hle niin a sawi a, an duhdan chu sorkara thlen turin an ngen a ni. Tlabung khawtlang hruaitute leh tlawmngai pawlte chuan Tlabung RD Block siam nan sum sen belh a ngai tam lo niin an sawi a, Office atan Tlabung SDO Civil Office chu a hman theih nghal dawn niin an sawi bawk.