Tlungvel khuaa hmasawnna hna thawh dan tur ngaihtuahin mi pawimawhte thu khawm

0
455
views

Saansad Adarsh Gram Yojana (SAGY) hnuaia Rajya Sabha Member, Pu Ronald Sapa Tlau-in Model Village atan a thlan, Tlungvel khuaa hmasawnna hna thawh dan tur ngaihtuahin nimin khan Aizawl Bawrsap, Dr. A. Muthamma hovin DC Conference Hall-ah mi pawimawhte an \hu khawm a, Line Department hrang hrangin Tlungvel khua hi kum 2020 ral hmaa Model Village a nih theihna tura hnathawh dan tur an ruahmante an sawifiah a ni. He sawihonaah hian Tlungvel khua, Model Village atana buatsaih tur hian a senso tlem thei ang bera hnathawh a nih theih nan te, mimal nun hmasawn tura mipui suk thleng tidanglam tur leh zuk leh hmuam laka an fihlim theih nan a tam thei ang ber inzirtir a \ul thute an sawi a ni. Puan tawh angin Rajya Sabha Member, Pu Ronald Sapa Tlau chuan kumin June thla khan Tlungvel khua hi Model Village atan a thlan thu a puang a, a lawmna pawh June ni 12 khan Tlungvel Venghlun YMA Hall-ah an hmang tawh a ni.