Tourism Department leh Central YMA hruaituten nimin khan Krismas leh kumthar vuak veta Aizawl khawpui chhunga veng inchei mawi siak inelna a buatsaih tura thil \ul pawimawh hrang hrang an sawi ho.

0
547
views

He inkawm hona Tourism Secretary, Pi Esther Lalruatkimi Pisa-a neihah hian kristmas leh kumthar vuak vetah khualzin hip nan kawn remchang laite chei leh \ha an tih thu leh heta ti\hate chu lawmman siam ni se an ti a. Hetah hian pakhatna cheng nuai 4, pahnihna cheng nuai 3, pathumna cheng nuai 2 pe tura ruahman a ni a, hemi atana endikna kalpui
dan tur chu Central YMA hruaitute leh Tourism Department hotuten an sawi ho a, felfai zawka kalpui a nih theih Central YMA nen thawk hoin vengchhung chei turte chu Central YMA-a inhriattir hmasa tura ngen ni se an ti a.
Vengchhung chei endik dan tur ruahmanna pahnih siamin chungte chu – Christmas theme a ni tur a ni tih leh chhun leh zana mawi kawp a ni tur a ni tih a ni a, heng point pahnih hmang hian endikna kalpui tur niin, veng chei turte chu December ni 15 hmaa chei zo vek tura ngen an ni.