Tourism Deptt.-a thawkte leh NSS Cell Mizoram tangdunin Saron kung 300 phun

0
560
views

Tourism Deptt.-a thawkte leh NSS Cell Mizoram \angdun chuan vawiin khan Sihhmui leh Lengpui Airport inkar kawngpui sirah Saron kung 300 an phun. Hei hi NEDP sum hmanga Lengpui Airport leh a chhehvel cheimawina programme a\anga thawh a ni. Saron phun \an hma hian Sihhmui Community Hall-ah inkhawm tawite neih a ni a, hetah hian Tourism Director, Pu Biakthanmawia Pautu chuan Sihhmui leh Lengpui inkar kawng chu Mizorama kawngpui pawimawh leh lun ber a ni tih sawiin, a cheimawi hna chu Tourism Deptt.-in a ngai pawimawh niin a sawi a, an pangpar phun te chu zin veivak mite ti hlimtu a nih reng theih nan duat taka enkawl turin mipuite a chah a ni. He hnatlangah hian Aizawl khaw chhung zirna in hrang hranga NSS Unit 10 leh Tourism Deptt. mite an tel a ni. Hemi hmalam hian SAGY hnuaiah Lengpui Model Village atana siam tumna kaihhnawihah Lengte peng a\anga Lengpui Airport thlengin Lengpui Branch YMA member ten Saron kung 100 an lo phun tawh a ni.