Traffic Police hotute chuan, an Pisa hi lirthei chetsualna leh dan bawhchhiat kaihnawiha tlawhtu an tam thin avangin an thian thianghlim tih an sawi a. An mahni dawrtute chu sorkar thupek anga social dinstancing zawm tur leh fai taka kut sil thin turin an ngen a ni. Traffic police hotute chuan, hrileng karah sorkar hnathawk thenkhat leh an hnathawhna Uniform midang hawh tir an awm thin avangin heng thil dik lo titute hi uluk taka endik an nih tur thu an sawi a. Hetiang bawk hian lirthei khalhtute chu dan zawm turin an ngen a, lirthei dahna hmunah chauh dah thin tur te, an tlan hunah chauh tlan thin tur te, Driving License neih te chauh lirthei khalh tur leh dan hrang hrang zawm turin an ngen a ni.
Traffic Police hian May thla tawp thleng khan Covid 19 vanga inkharkhipna dan bawhchhia mi 283 an man tawh a, heng mite pawisa chawi chu cheng nuai 2, sing 5 leh za 5 a tling tawh a ni.
