Vawiin a Assembly inkhawm a zawhna leh chhanna hunah sawiin Pu Manuna hian, Transport Minister dinhmun a luah tirh a\angin 2 wheeler taxi permit dilna a tam thu te, an party office Hnam Run thlenga sawi an awm thu te, amah chu a officer te hneh lova, a ruka permit pechhuak ang tea sawi an awm a ni a ti a. 2 wheeler taxi permit pek chhuah erawh an la neih loh thu leh Permit pek chhuah chungchang chu sawi hona an la neih loh thu a sawi.
Lirthei khu endik dawnin lirthei khawih danglam a awm \hin em tih zawhna chhangin Pu Manuna chuan, lirthei endik dawnin polution certificate neih a ngaih \hin thu a sawi a, tuna an endikna chu mannual chauh a nih avangin duhthusama endik theih a nih loh thu a sawi a, Road transport Ministry leh Central Institute of Road Transport \angkawp puihnain Automated inspection and Certification center Hlimen-ah din tum a nih thu a sawi a, he kawl hian lirthei khawl chhung thlengin a endik theih avangin tihpuitlin theih anih chuan harsatna awm \hin chu sutkian theih a beisei thu a sawi.
