Heng pawl pahnih aiawhte hian vawiin khan Cooperation Minister, Pu C. Lalrinsanga hriatpuiin thawh dunna thuthlung hi an ziak a, hetah hian TRIFED aiawhin Regional Manager Guwahati, Pu AD. Mishra leh Cooperation Department aiawhin Secretary, Pu J.P. Agarwal-a’n hming an ziak a ni. Hemi puala inkhawm tawi neihah hian Cooperation Minister, Pu C. Lalrinsanga chuan, Van Dhan Scheme chu thing leh mau suat cherem lova thingtlang miten hmasawnna leh eizawnna an neih theihna tur a ni tih sawiin, hei hi ataka hlenchhuah a nih chuan Mizoram mipuiten an chhawr \angkai hle dawn a ni, a ti a. Department hrang hrangin thil inang leh tum thuhmun an mahni hmazawna an kalpui \hin chu hlawm khata chhun khawm thiam a ngai a, hemi lam hawia hmala tur hian sorkar pawhin ngaihtuahna a sen thu leh rualkhai zawka thil reng reng kalpui zel tum a nih thu a sawi.
Van Dhan Scheme-in a tum ber chu mipuiten thiam thil an neih hman \angkai leh tih hmasawn te, an thiamna tipung tura Training pek te, an thlai thar leh thil siamchhuah sawngbawl a, a hma aia tam zawk an thar theihna tura kawng kawhhmuh a ni a. Mizorama he scheme kalpui turah hian Self Help Group-te hman \angkai an ni dawn a, State level-a hmalatu tur chu Primary Cooperative Society niin, Mizoram pumah he Scheme kalpui thei tur Van Dhan Kendra 43 awm tura ruahman a ni a. Hemi hnuaiah hian Village Level a awm leh a, hetah hian Self Help Group 15 zel awm tura beisei a ni.
