Tripura Bru Relief Camp-a an hruaituten Mizorama kir an tum loh avangin anmahni hruailet tura sorkar ruahmanna chu a hlawh chham dawn niin a lang

0
530
views

ZONET palaiin Mizoram Bru Displaced People Forum President, Pu A. Sawibunga nimina Naisingpara Camp-a a kawmnaah Pu A. Sawibunga chuan Mizoram Bru-te Mizorama laklet leh an nihna tura sorkar laipui, MBDPF, Mizoram sorkar leh Tripura sorkar ten inremna thuthlung an siam taka a hming ziak chu anmahni mi lungawilote nawrna nasa tak avangin tun thla ni 16, Thawh\anni khan a hnuk kir tih a sawi a, a hnuh kirna lehkhaah hian Kanchanpur Sub Divisional Magistrate, Pu Sajal Biswas leh Deputy Collector, Animesh Deb Burma te chu hriatpuituah a \ang niin a sawi.

A hming ziak a hnuhkir hnuah engtin nge hma an lak zel tih zawtna chhangin Pu A. Sawibunga chuan MBDPF chu he thilah hian a inhnuk kir tawh a, hemi thu hi sorkar laipui an hriattir tawh a, hemi hnuah hi chuan sorkar laipui, Mizoram sorkar leh Tripura sorkar thil tih dan dan a ni tawh mai dawn niin a sawi.

Hetihlai hian Mizorama kir duh lova tun hnaia lungawilohna entirtu zing ami, Pu Chauh Sarai Apeto chuan Bru mipui Relief Camp-a awm tam tak zingah Mizorama kir duh lo tam tak an awm tih a sawi a, an kir duh loh nachhan chu an thilphut te sorkarin a tihhlawhtlin theih loh vang niin a sawi a, Bru te chu Mizo te nen hnam nun, sakhua, khawtlang nun leh thildang tam takah an danglam avangin Hindu sakhaw vuantute duhdan leh tihdan kalpuia tihpuitlin a ngai dawn niin a sawi a ni.

Hethilai hian Central YMA President Pu Vanlalruata chuan ham\hatna tam tak ruahman sak an ni chunga Tuikuk ten thil phut dang an nei leh ta chuan tlawmngai pawlte a barakhaih hle tih a sawi a, Bru ten a khawma awm an ngiat chungchangah Mizoram an chhuahsan hmaa an awmna \heuhah hruai let leh nise tih chu an dinna a ni tih a sawi.