Tripura Bru Relief Camp a\anga Mizorama let tur Mizoram Bru-te chu tanpuina leh chhawmdawlna tam tak pek remtih a ni

0
666
views

Tripura Bru Relief Camp a\anga Mizorama let tur Mizoram Bru-te chu \anpuina leh chhawmdawlna tam tak pek remtih a ni.

He mi chungchanga inremna thuthlung, tun thla ni 2-a New Delhi-a sorkar laipui, Mizoram sorkar, Tripura Sorkar leh Mizoram Bru Displaced People Forum President ten an siamah Mizorama let tur Bru chhungkaw tin chu Rs 4,00,000/- leh kum hnih chhung Cash Assistance thla tin Rs 5,000/- pek an ni ang a, in sakna tur, House Building Assistance Rs 1,50,000/- an dawn dawn bakah a thlawnin Ration kum 2 chhung an dawng anga, hengte bakah hian Tripura a\anga Mizorama anmahni leh an thil neih phurhna chu Mizoram sorkarin a tum sak dawn a ni. Sum lama \anpuina an dawn tur bakah hian anmahni dahna khua \heuhah kum 3 chhung anmahni veng turin Special Police Officer 4 \heuh dahte, Mizoram midangte ang bawka lo tur ram pek leh NLUP \anpuina pekte, anmahni dahkhawmna khaw hrang hranga Eklavya Tribal Residential School hawn sakte, in sakna tur ram feet 40-a sei, feet 30-a zau pekte, Permanent Residential Certificate leh Tribal Certificate pekte, Special Development Project siam sakte, Bank Account hawn sak bakah Aadhar leh Ration Card siam sakte, Mizoram mi Mizorama lakkir theih lo enfiah tawh, chhungkaw 5,407-a mi 32,876 te bakah tuna Relief Camp-a la awm zingah Mizorama lakkir leh theih tur enfiah nawnte leh Tripura Bru Camp 6-a awm ten inthlannaa vote an thlak theihna tura kumin August ni 31 ral hmaa Electoral Roll ennawn hnathawh te an tel a ni. Inremna thuthlung hi \ha taka hlen chhuah a ni em tih chu Monitoring Committee-in an enzui zel dawn a, Monitoring Committee-ah hian Chairman chu Ministry of Home Affairs-a Special Secretary, Internal Security a ni anga, member-te chu Adviser (Bru) Joint Secretary North East, Mizoram sorkara Principal Secretary, Home changtu, Tripura sorkara Principal Secretary Home changtu, MBDPF aiawh mi 2, Mizoram Bru aiawh, Mizoram sorkar ruat tur leh Civil Society aiawh, Mizoram sorkar ruat turte an ni. He inremna thuthlung siam tak tarlan angin kumin September ni 30-ah Tripura Bru Camp 6-a Mizoram mi awm zawng zawngte chu Mizoramah lak kir vek an ni anga, Camp-te chu kumin October chawlkar hmasa berah khar vek an ni dawn a ni. He inremna thuthlungah hian Ministry of Home Affairs aiawhin Special Secretary, Internal Security Pi Rina Mitra, MBDPF aiawhin an President, Pu A. Sawibunga, Mizoram sorkar aiawhin Principal Secretary, Home Pu Lalnunmawia Chuaungo leh Tripura sorkar aiawhin an State Chief Secretary, Pu Sanjeev Ranjan ten an hming an ziak a ni.