Mamit Bawrhsap, Dr. Lalrozama kaihhruaiah hian Mamit District huam chhunga khaw hrang hrang Village Council President te an tel a, bawrhsap chuan Tripura Relief Camp-a Tuikuk awm zinga a tam zawk chu Mamit District a\anga chhuak an ni a, District mi leh sa te chu an District chhungah ngei dah tum an ni tih sawiin sorkar hmalakna \awiawm turin VC te a sawm a ni.
Home Deptt. Joint Secretary, Pi Lalbiaksangi pawhin Village Council Members-te chu an khua leh veng chhunga tlawmngai pawl hrang hrangte nen inrawnkhawma, Tuikuk lo let tur te lo dawnsawn dan tur ngaihtuah lawk turin a sawm a, Tuikuk te an lo let huna ram \heh chungchangah pawh an an huam chhung hnaiha Forest Reserve leh lui dung reserve te khawih che lo turin a chah a ni.
Tuikuk lo let te tana in hmun ngaihtuah dan tur te sawiho a ni a, VC te hian an huam chhung \heuah in hmun sahthlak tur an neih tlem tawh thu an sawi hlawm.
