MZP chuan, anmahni duhthu ngeia Mizoram chhuahsan a, vawi tam tak lo haw tura hmalak a nih hnua lo haw duh lo Tripura a awm Tuikukte chungchanga state pathum – Madhya Pradesh, Delhi, Gujarat leh Maharastra State atanga MP mi 11 in tunhnaia hma an la leh, Bharat Hitaraksha Abhyian(BHA) inti ten Chief Minister hnena Memorundum an thehlut chu an dem tih an sawi a, an chet dan chu Mizo mipuite zah lohnaah an ngaih thu an sawi.
Bharat Hitaraksha Abhyian (BHA) inti te hian Chief Minister Pu Zoramthanga hnena Memorundum thehlutin, Tuikukte Mizorama a huhova awmtir tur leh an hamthatna tur thil dang an nawrpui tih MZP chuan an sawi a, Chief Minister tuala lungawi lohna an lantir theih laia Mizo mipuiin an hre mang lo chu mak an tih thu an sawi a, hetianga mi engemawzatin CM Office tuala lungawi lohna an lantir thut thei chu Chief Minister Office himna atan a him em tih sorkar an zawt tih an sawi a, hnam dang lo lutte chuan ILP an nei em tih pawh sawifiah turin sorkar an put tih an sawi bawk.
