Tuipui D lei endik a la nih loh vangin harsatna mipuiin tawk

0
474
views

Tuipui D lei, ‘Jeepable Suspension bridge’ chu motor rit phur zawh khap a nih hnuah leh, endik tura tih a nih a\anga thla khat ral hnuah pawh endik a la nih loh avangin Tuipui D ral khuaten harsatna an tawk nasa hle nia thu dawn a ni a, Hnahthiala thuthar la khawmtute hnen a\anga Zonet thu dawn danin, Lunglei District Maxicab Owners Association leh Sangau-a Zoram Drivers Union hruaitute chuan, hemi avanga harsatna an tawh chungchangah hian vawiin khan Hnahthial PWD SDO, Pu C. Laldintluanga chu a pisa-ah an hmu a, lei an zawh dawna an bungraw phurhte hlan thlaktir an nih \hin thu leh an mi phurhte pawhin anmahni ken theih tawk bak chu keng tura mu\ia an chhawr a ngaih \hin thu te, Amul Gold case khat chauh thiar kai nan pawh Rs.50 sen a ngaih avangin a hautak hle thu te, hei hian thil man pawh a tihto thute sawiin, Tuipui D ral khuate harsatna hi an thlen a ni. SDO, Pu C. Laldintluanga chuan kumin June ni 26 khan Lei hruipui innghahna ban, Tuipui D lam leh Darzo lama mi chu a kul deuh nia hriat a nih thu leh hemi hnu, July ni 8-a an en leh chuan a hma aiin a kul nasa leh deuha an hriat thu te, Lei ban lera bearing chu a tawlh deuh nia an hriat thute sawiin, hei an hotute hnenah a thlen nghal a, Contractor leh a design-tu, S.Guha Niyogi lamian an rawn endik tur thu leh, chumi hma chu rit phur motor zawhtir lo tur hriattir a nih thu a sawi a, tun thla ni 11 a\anga ni 19 inkarah khan Niyogi hian rawn endik an tum thu sawi mah se, tun thleng hian an lo la kal lo niin a sawi.

Tunah phei chuan lo kal tura an beisei hi Myanmar-ah a awm nia a fapa-in a sawi avangin, a lo kal hun tur hi an hre rih lo niin SDO chuan a sawi a, endik a nih hma chuan tuna an tih dan hi an tidanglam ngam lo niin a sawi bawk. Maxicab neitute leh Sangau-a Zoram Drivers Union hruaitute chuan PWD thil ruahman hi zawm harsa ti lo mah se, motor rit phur \henkhatin lei hi an zawh tho ni-a an hriat thu pawh SDO chu an hrilh a, ani chuan he lei zawh lui an hriat chuan chiang taka hrilh tura a lo ngen b^kah, he thup>k hi khauh zawka ken kawh a nih tur thu a lo hrilh bawk nia thu dawn a ni. He lei hi S.Guha Niyogi & Associates Engineers & Contractors, Kolkata-in a zawh hun tura ruat liam a\anga kum 4 velah an dawh zo a, nikum December thla khan hawn a ni a, kumin June ni 23 khan lei chhuat hi 207 Truck-in a dai pawp a, a chhuat chhe laite thlak a nih hnu lawkah August ni 23 a\ang khan rit phur motor zawh phal a ni lo leh ta a ni.