Tuipui ‘D’ lei leh Convention Building satu contractor pahnih man turin Prism-in phut

0
471
views

Prism-in Tuipui ‘D’ lei dawh \ha tawk lo leh Aizawla Convention Building sak chungchangah a thawktu, Contractor 2 chu a rang thei ang bera man tur leh thil nihphung dik tak mipui hmaa puangzar turin sorkar an phut a, Tuipui ‘D’ Jeepable Suspension Bridge dawhtu, Kolkata-a S. Guha Niyogi & Associates Engineers chu lei a dawh laia a inthlahdah avangin a thawh zawh hun tura ruat, kum 4 pelh hnuah an zo thei hram nia sawiin, kum 4 chhung zet hna an tihkhawtlai chhung hian mipuiin nasa takin an t^wk a, nikum December ni 19-a he lei hawn a nih a\anga ni 246, kumin August ni 23-ah hman theih loha khar leh a ni bawk a, lei enfiah hun tura ruatah pawh en fiah a ni lo chunga lei dawhtu Contractor man a la nih loh chhan chu sawifiah turin sorkar an phut a ni. Prism chuan, Aizawl Khatla Venga Circuit House hmun hluia Aizawl Convention Centre sakna tur laih a nih avanga Advocate General Office atan hman \hin sorkar building-te, Bible House leh Baptist House \hiah a ni chu fikhur tawk loh vanga chhiatna thleng nia an ngaih thu leh mipuiin thuneitute an rinhlelhna zual zel loh nan heng thil pahnih hi sawifiah turin Mizoram sorkar an phut tih an sawi.