Tuipuiral Group YMA leh Tuipuiral Welfare Aizawl hruaituten Chief Minister Pu Zoramthanga, a pisaah vawiin khan hmuin lirnghing vanga harsatna an tawh chungchangah hmalakpui turin an ngen.

0
12
views

Pawl pahnih hruaitute hian lirnghinna hmun leilung te chiang zawka zirchiangtu tur mithiam ngaihtuah sak tur te, hmanhmawh thila hman tur Ambulance ruahman sak tur te, hun engemaw chhung atan Police dah belh tur te, lirnghing vanga kawng khuar zual te hnawh sak tur te, Lir a nghin apianga power supply a tawp nghal zel avanga harsatna an tawh sutkian nan solar light bun sak tur te, lirnghing vanga chhiat tawkte chhawmdawlna ngaihtuah sak turte in chief Minister hi an ngen a ni.

Chief Minister Pu Zoramthanga hian, Tuipuiral Group YMA leh Tuipuiral Welfare Aizawl hruaitute thu thlen hi theihtawp chhuaha tihhlawhtlin an tum thu a lo hrilh Tuipuiral Welfare hruaitute chuan an sawi a, Zonet thudawn danin Tuipuiral khaw hrang hrang te hian leilung awmdan mithiam ten khawl nen zirchian sak se an duh tih an sawi a, awm zelna tura a him lo anih chuan hmun him lama in sawn chhuah mai pawh an hnial tawh lo tih an sawi.