AH&Vety Dept atanga thawk chhuak vety doctor leh thawktute dangte hian, vawkpui rai lai mekte chu enfiahin, a tulin damdawiin an enkawl nghal a. Dr H Vanlalhmangaihzuala chuan vawkpui no chhiat chhan chu vawk natna hri vang a nih a rin loh thu a sawi a. Lir a nghin thin a vanga no chhiat zawk an nih a rin thu a sawi a. Ran dangte pawhin no an pai laia lir a nghin chuan nasa takin mihringte ang thovin hlauhthawnna an nei ve thin a. Chu an hlauhna chuan an taksaah nghawng a nei ve thin a, no chhiatna a thlen thin a ni a ti.
