Tuipuiral Zirlai Pawl General Conference hi Thawhlehni a\ang khan Dungtlang Community Hall-ah neih a ni a, a hmanpuitu Pu Lalruatkima chuan, Mizote chu hnam tlemte an nih avangin hnam chak leh ropui ni tur chuan tam tura fa neih tam inzirtir angai tih sawiin, Mizoram hmun hrang hrang leh ramri dep thlenga luah lum a \ul thu leh Mizo mipate chu pasal tlak, rilru puitling leh eizawnna ngelnghet nei thei tura an inzir thar ngai a tih thu a sawi.
TZP khawmpuiah hian thupui atan ‘Zirlaite leh tunlai khawvel’ tih hman a ni a, rorel palaite chuan resolution 3 – East Tuipui huam chhungah Sorkar-in Civil SDO dah rawh se, Sorkar enkawl Higher Secondary School din ni rawh se tih leh Sorkar-in Doctor awm lohna PHC-ah Doctor dah rawh se tih chu an pass a ni.
TZP hian kum 2019 chhunga High School leh Higher Secondary School-a First Division chin chunglam a pass te, Bachelor leh Master Degree nei thar te, an huma chhunga HSLC Exam-a za a za Pass-na School 3 leh Special Award dawngtu 7 hnenah chawimawina an hlan a ni.
