Tuirial Hydel Project atangin nitin kawlphetha megawatt 30 vel pe chhuak

0
611
views

PM, Pu Narendra Modi-a’n December ni 16-a a hawn t^k, Tuirial Hydel Project chuan Mizoram kawlphetha mamawh phuhruk nan ni tin, kawlphetha megawatt 30 vel, Mizoram hman atan a pe zui zel a, Power & Electricity Deptt. hotute hnen a\anga thu dawn danin nizan khan Mizoramin kawlphetha a hmuh tam lai bera a hmuh theih zat chu megawatt 90.4 a ni a, heng zinga megawatt 56.4 chu phai lam a\anga chawk luh a ni a, Tuirial Hydel Project a\angin megawatt 30 hmuh a nih bakah Serlui B Hydel Project a\angin megawatt 4 hmuh a ni bawk a, tui a tam tawk tawh loh avangin Mizoram chhunga kawlphetha siam chhuahna, Mini Hydel Project-te a\ang erawh chuan kawlphetha siam chhuah a awm tawh lo a ni. Tuirial Hydel Project kawlphetha siam chhuah, Mizoram sorkarin a leina tur rate chu chin fel a la ni rih lova, ZONET zawhna chhangin Power Secretary, Pu H. Lalengmawia chuan a leina tur rate hi Central Electricity Regulatory Commission-in a bithliah tur niin a sawi a, rate atana rawtna chu Hydel Project siamtu, NEEPCO-in CERC-ah a thehlut ang a, chumi hnuah Mizoram sorkar nen sawihova inremna siam a ni dawn niin a sawi. Power Secretary chuan Mizoramin Tuirial Hydel Project a\anga kawlphetha siam chhuah a leina tur rate tihhniam nan hian DoNER chuan subsidy atan cheng vaibelchhe 133.9 pek a remti a, Mizoram sorkar chuan hemi bak hmuh theih dan tur a zawng zui a, tuna leina tur rate beisei zat chu unit khat zelah Rs.5.20 vel niin a sawi bawk. Kawlphetha leina tur rate siam fel hmaa Infarm Power, Mizoram hman atana NEEPCO-in a pekna rate hi unit khat zelah cheng 2 tling lo hret a ni rih a, amaherawhchu, hetianga a man tlawm hian thla 6 aia rei kawlphetha a pe thei dawn lo niin a sawi bawk.

Tuirial Hydel Project, kawlphetha megawatt 60 pe chhuak thei turah hian khawl pakhatna, megawatt 30 pe chhuak thei chauh hman rih a ni a, khawl pahnihna pawh hnathawk theia siam ni tawh mah se, en chhin zela siam \hat ngai lai siam \hat zui zel a la ni rih niin Engineer-te chuan an sawi a ni.