Tuivawl Constituency BJP-in Darlawna Booth Level Workers Conference an hman chu BJP State President, Prof JV. Hluna leh NE Co-ordinator, Pu Sundar Pal-a’n an hmanpui.

0
226
views

Hemi puala inkhawm Darlawn Bazar-a neihah hian Prof JV. Hluna chuan, tuna sorkar kal mekah mipuiin an duhkhawp an hmuh loh avangin Sorkar thar an siam dawn nia sawiin, Sorkar dinglai thlaktu tur chu BJP an ni dawn niin a sawi a. BJP chuan, mi zawng zawng angkhata chawi kan chu an thupui nia sawiin, sorkarna lo chang tawh Party \henkhat anga mahni Party leh mimal ham\hatna chauh ngaihtuah an tum ve lo niin a sawi a, BJP chuan kuthnathawktute thar chhuah leia hralhna tur thlengin a buaipui dawn nia sawiin, Central lama an hotute nen pawh an sawi ho tawh niin a sawi a, sawhthing chungchangah phei chuan Project rintlak tak an siam tawh niin a sawi.

BJP-in hmarchhak bial vil tura ruat, Pu Sundar Pal pawhin Mizorama Central Scheme kalpui danah felhlel tam tak a awm niin a sawi a, Central Scheme hi Party bil ta tur a ni lova, Mizo mipui mirethei tamtak ten hmasawnna hmel an hmuhna tura duan a ni a ti a, Congresss sorkar chu Party invulh nana hmangh puhin, mipui hriatah an puangzar duh lo niin a sawi.