Tukin dar 1 leh dar 2 inkar khan Melriatah Assam Type in pakhat chhungkaw pahnih luah lai bungraw engmah chuh hman lohin a kangral vek.

0
245
views

He in hi Aizawl Khatla venga Pu Thanliana in a nia, Melriat Branch YMA hruaitute hnen a\anga thudawn danin he in kang vang hian thi leh hliam an awm lova, in chhawng chung zawka awm, Pu Jerry te chhungkua chu Aizawla an riah hlan a ni a, a hnuai zawka awm, Pu Lalngaihawma te chhungkua-in an in a kang tih an hriat chuan kangmei chhuak hi a lo nasa hman tawh a, an chhungkua-in harsa takin an insaseng thei hram a ni. Kangmei chhuah nachhan hi hriat chian theih ni lo mah se electric kalsual a nih rin a ni. Kangmei a chhuak tih hriaa mipui tlan khawm chuan \helh tum mahsela, \helh theih a nih loh avangin an bungrua zawng zawng a kangral vek a ni. Kohhran hruaitute leh YMA ruahmanna siam angin he in kang ruhrel leh in chung rangva te chu vawiin khan YMA member ten hnatlangin an senghawi a, chhungkaw pahnih awmna nei lote chu Community Hall hnuaiah dah rih an ni dawn a ni.