ZONET zawhna chhangin Kolasib Police hotute chuan mitthi hi Lalremruata, Terema tia hriat bawk niin an sawi a, a thihna chhan hi truck Kolasib a\anga Aizawl lam panin a chil vang niin a lang a, kawnga motor tire hnuhmaah a thisen kai hmuh tur a awm a, motor lian hian a taksa dung zui zawngin a chil a, a taksa a chhe hneh hle niin an sawi a, Khuangpuilam veng mite hnen a\anga hriattirna an dawn hnuah Police-te chuan a hmuna kalin a ruang kawnga awm chu an hlawm a, a remchang dan ang angin sarangin an tuam a, hemi hnu hian damdawi inah Doctor te endik turin lak nghal a ni a, Doctor ten an endik hnuah Kolasib Park kawna a chhungte hnenah a ruang hi vui tura hlan a ni a, vawiin vek khan vui nghal a ni. A chiltu motor lian hi Police te chuan an zawng zui mek a ni.
