Tukin khawvar hma zing dar 2 vel khan Sihphir daiah buhfai phur Truck pakhat a chesual a, motor khalhtu Malsawmkima, kum 40 Bungkawn Nursery Veng chu a hmunah a thi.

0
75
views

Sihphir atanga thudawn danin, lirthei chetsualna hmun hi Sihphir-a Synod Camping Centre chhak, Aii Puk kawng thlang lamah a ni a. Truck hi Ambulance nen an inpel tur kawngsira a ding chu khua a la thim avang leh kawngsir a hnim to avangin a dai sir deuh a. Lei hnip lai a rah avangin chesawn ngam lovin a ding a. A hnu deuha a chet hret na lamah a lei rah-in dawl lovin kawngthlang lamah a liam ta a ni.

Chetsualna hmunah hian Sihphir khawtlang hruaitute a hmunah an thleng nghal a, Bawngkawn Police te pawhin, chetsualna hmunah hian thil awm dan an enfiah nghal a. Lirthei khalhtu Malsawmkima ruang hi lak chhuah a nih hnuah Sihphir Branch YMA-in Kuang an siam sak a, an veng lamah an thawn haw a ni.