Tukina Mahatma Gandhi lima zahna hlan a nih hnu hian Vanpa Hall-ah a lawmna inkhawm hman chhunzawn nghal a ni a, Chief Minister Pu Zoramthanga chuan, Mahatma Gandhi zirtirna tharum thawh lova inremna siam chu mipuiten theihnghil mai lova, mahni nun \heuha sengluh tum turin a sawm a. British awpna lak atan zalenna hmu tura tharum tel lova Mahatma Gandhi hmalak dan kha khawvelin a ngaihlu a, a pianchampha October ni 2 hi khawvel pum huap “International Day of Non-Violence” ah UN General Assembly-in a pawm hial tih a sawi.

0
408
views

Chief Minister Pu Zoramthanga chuan, Mahatma Gandhi piancham puala faina lama hmalaknaah Mizoramin kawng thu tak a zawh tawh a, hei hi chhunzawm zel a nih tur thu leh mipui mamawh tawk tui thianghlim neih chu sorkar laipuiin a ngaipawimawh a, hemi atan hian Jal Shakti Ministry chuan state tinte project siam turin a ti a, Mizoram sorkar pawhin hnianghnar taka mipuiin tui thianghlim an neih theih nan van ruahtui khawlkhawm dan ngaihtuahin hma a lak mek thu a sawi.

Deputy Chief Minister, Pu Tawnluia pawhin Hnam Pa Mahatma Gandhi dam laia a ngaihpawimawh em em faina leh thianghlimna kawnga ram pum huapa hmalakna ngawrh taka kalpui a ni chu lawmawm a tih thu leh Mizoramah pawh Department hrang hrang kaltlangin hmasawnna hna leh faina lama hmalak a nih thu a sawi a, chak zawka hmasawn turin thawh hona \ha nei turin mipui leh sorkar hnathawkte a sawm a ni.

He inkhawmah hian UD&PA leh PHE Department-in khua leh district fai intihsiak an buatsaih lawmman sem a ni a, Category hrang hrangah then niin lawmman dawngtute chu Category I, District Headquarters-ah pakhatna Serchhip Urban Town, pahnihna Lunglei Urban Town leh pathumna Kolasib Urban Town an ni a, Category-II-ah pakhatna Biate, pahnihna Zawlnuam leh pathumna Thenzawl a ni a. Category-I leh Category-II kaikawpa khawpui fai ber lawmman dawngtu chu Biate niin, cheng nuai khat an dawng a. Pahnihna chu Zawlnuam leh pathumna chu Serchhip a ni.

Swachh Bharat Mission Gramin hnuaia District hrang hranga khawfai lawmman inelnaah chuan Aizawl District-ah Thingsul Tlangnuam chu pakhatna a ni a, Lunglei district-ah Haulawng, Siaha district-ah Zawngling, Champhai district-ah Dungtlang, Kolasib district-ah Phainuam, Lawngtlai district-ah Cheural, Mamit district-ah Reiek, Serchhip district-ah Hmun\ha, Hnahthial district-ah Rawpui, Khawzawl district-ah Tualte leh Saitual district-ah Suangpuilawn te pakhatna an ni.

Information and Public Relations Department-in Mahatma Gandhi piancham puala Short Film insiamsiakna a buatsaih a ti\hate hnenah lawmman niin, lawmman dawngtute chu pakhatna Zami Vanchhawng, pahnihna Albert Zosangliana leh pathumna Israel Lalmuanpuia Renthlei an ni.

He inkhawm hi Addl. Chief Secretary, Pu J.C. Ramthanga’n a kaihruai a, Chief Minister Pu Zoramthanga’n lehkhabu pahnih – Jal Shakti Campus leh Jal Shakti Gram tih a tlangzarh nghal a ni.