Tun hmaa Mizo lal zinga hmingthang leh pawimawh Sailam lal Bengkhuaia tuchhuan, Sialsuk lal hlui, Lalthangliana Sailo thi

0
2837
views

Tun hmaa Mizo lal zinga hmingthang leh pawimawh Sailam lal Bengkhuaia tuchhuan, Sialsuk lal hlui, Lalthangliana Sailo chu USA-a awmna, Maryland-ah vawiin khan a thi. Kum 95 mi nia natna sawi tur em em nei lova thi Lalthangliana Sailo hian a nupui Lalnunmawii Sailo, fanu 3, fapa 1, tu 12 leh tuchhuan 3 a kalsan a, tun thla ni 8, Pathianniah a thihna hmun Maryland-ah vui a ni ang. A pa Sialsuk lal, Lallunghnema hi a thih hma avangin Lalthangliana hi kum 1940 a\anga 1954-a lal ban thleng khan Sialsukah lal a ni. Zirna lamah chuan Spicer College, Pune a\angin BRE a zova, hemi hnu hian Delhi a\angin B.Ed leh Pune a\angin M.Ed a zo leh a, US-a a kal hnuah Washington DC-a Howard University a\angin MRE a zir zo leh a ni. Khawtlang tana inhmang mi niin kum 1960 khan Pu Lallianzama nen Republic High School an din a, kum 1962-a Chapchar K<t lawmna hmasa berah pawh sulsutute zingah a tel a ni. Mizo zinga Sevenday Adventist baptisma chang hmasa paruk zingah a tel a, kum 1970 khan USA-ah pemin Mental Hospital-ah kum 20 chhung a thawk a, USA-a a awm chhung hian Pu Ronald Sapa Tlau nen USA-a Mizo Society of America an din a ni. Mizorama lo let lovin USA khua leh tui nihna pawh hunrei tak a\ang khan a nei tawh a ni.