Pangang puang hi Mamit District Agricultural Technology Management Agency mithiamten a hmunah an enfiah nghal a, pangang puangte hi Fall Armyworm a ni tih finfiah a ni a, a darh zel tur ven nan Vaimin chingtute hnenah a thahna hlo leh a suatna hmanrua te an pe nghal a ni.
Champhai District-a Ngur khuaa Changpui hmunah pawh Vaimim eichhetu rannung hmuh a nih avangin helai hmun hi nimin khan Champhai-a ATMA thawktuten an enfiah a. Vaimim hi March thla a tuh a ni tawh chungin \o tur awm lovin rannungin a ei chhia a ni. ATMA-a thawktute hian rannungin vaimim a ei loh nan a chi damdawi nen chiah a pawimawh tih loneitute hrilhin a tih dan an zirtir nghal a, Vaimim, Changkha leh Bawrhsaiabe chi bakah loneitute damdawi mamawhte an sem nghal a ni.
